Author Topic: Daagh dehlvi  (Read 29 times)

0 Members and 1 Guest are viewing this topic.

Rashmi

  • Global Moderator
  • ***
  • Posts: 1893
  • Gender: Female
  • Hum se khafa zamaana to Hum bhi jamaane se khafa
Daagh dehlvi
« on: February 17, 2015, 03:24:07 PM »
Aap ka aitbaar kaun kare
Roj ka intzaar kaun kare


Zikar- e -mehr -o- vafa to hum karte
Phir tumhe sharmsaar kaun kare

Ho jo us chashm-e-mast se be-khud
Phir use hoshiyaar kaun kare

Tum to ho jan ikk zamaane ki
Jaan tum par nisaar kaun kare

Aafat-e-rozgaar jab tum ho
Shikwa-e-rozgaar kaun kare

Apni tasbeeh rahne de zaahid
Dana dana shumaar kaun kare

Hizar meiN zehr kha ke mar jaauN
Maut ka intzaar kaun kare

Aankh hai tarak-e-zulf hai shayad
Dekhen dil ka shikaar  kaun kare

Vaada karte nahin ye kahte haiN
Tujhko ummid-vaar kaun kare

'Daagh' ki shakl dekh kar bole
Aisi soorat ko pyaar kaun kare







Rashmi Sharma

gooDe akkhar ,fatti sukki
adiyo meri gaachi mukki
sukke hanjhu akkhaN waale
haaDa! akkhar mooloN kaale

Rashmi

  • Global Moderator
  • ***
  • Posts: 1893
  • Gender: Female
  • Hum se khafa zamaana to Hum bhi jamaane se khafa
Re: Daagh dehlvi
« Reply #1 on: February 17, 2015, 05:01:16 PM »
Aarzoo hai vafaa kare koi
Jee na chaahe to kya kare koi
Gar marz ho dawa kare koi
Marne wale ka kya kare koi
Unse sab apni apni kahte hain
Mera matlab adaa kare koi
Chaah se aap ko to nafrat hai
Mujh ko chahe khuda kare koi
Is gile ko gila nahi kahte
Gar maze ka gila kare koi
Ye mili daad ranj-e-furkat ki
Or dil ka kaha kare koi
Tum saraapa ho soorat-e-tasveer
Tum se phir baat kya kare koi
Kahte haiN hum nahi khuda-e-kareem
kyon hamaari khataa kare koi
Jis mein laakhon baras ki hoorein hon
Aisi jannat ko kya kare koi
Is jafaa par tumhe tamanna hai
Ke meri iltiza kare koi
Munh lagaate hi 'daagh' itraaya
Lutf hai phir zafaa kare koi
Rashmi Sharma

gooDe akkhar ,fatti sukki
adiyo meri gaachi mukki
sukke hanjhu akkhaN waale
haaDa! akkhar mooloN kaale

Rashmi

  • Global Moderator
  • ***
  • Posts: 1893
  • Gender: Female
  • Hum se khafa zamaana to Hum bhi jamaane se khafa
Re: Daagh dehlvi
« Reply #2 on: February 19, 2015, 04:03:54 AM »
Idhar dekh lena udhar dekh lena
Kan-akkhion se usko magar dekh lena
Fakht nbaz se haal zaahir na hoga
Mera dil bhi  e chaaragar dekh lena
Kabhi zikr-e-deedaar aaya to bole
Qayamat se bhi peshe tar dekh lena
Na dena khat-e-shauq ghawra ke pahle
Mahal mauka e naama bar dekh lena
Taghaful mein shaukhi nirali adaa thi
Gazab tha wo moonh fer kar dekh lena
Shab-e-vada apna yahi mashghala tha
Utha kar nazar su e dar dekh lena
Bulaya jo gairon ko daawat mein tumne
Mujhe pesh tar apne ghar dekh lena
Mere saamne gair se bhi ishaare
Idhar bhi udhar dekh kar dekh lena
Nahi rakhne dete jahan panw hum ko
Usi aastaane pe sar dekh lena

Diye jaate hain aaj kuchh likh ke tum ko
Use waqt-e-fursat magar dekh lena
Hami jaan denge hami mar miteinge
Hame tum kisi waqt par dekh lena
Jalaya to hai 'daagh' ke dil ko tum ne
Magr is ka hoga asar  dekh lena....
Rashmi Sharma

gooDe akkhar ,fatti sukki
adiyo meri gaachi mukki
sukke hanjhu akkhaN waale
haaDa! akkhar mooloN kaale