Author Topic: Urdu Shaa,iree  (Read 446 times)

0 Members and 1 Guest are viewing this topic.

AahnaA

  • Guest
Re: Urdu Shaa,iree
« Reply #15 on: August 12, 2013, 05:08:31 AM »
salaam bhai.....

abhi upar aapka reply padha ... kuch confusion mujhe bhi ho gaya

jaise aapne kaha ke bina radeef ki gazal hai ye

(2) baGhair radeef kee Ghazal : Ghalib ko dekh leejiye

maiN gul-e-naGhma hooN nah pardah-e-saaz
Khud hooN apnee shikast kee aawaaz

too aur aaraa,ish-e-Kham-e-kaakul
maiN aur andesha-haa-e-doordaraaz

too ne poochhaa to mehrbaanee kee
maiN Ghareeb aur too Ghareeb-nawaaz

isme aakhir ke shabd as qaafiya use hue hain lekin ye aaz ko as radeef bhi to samjh sakte hain kya????

may b bahot silly Q ho lekin ... bahot se exceptions hote hain isliye puchha...

Sarwar A. Raz

  • Moderator
  • *****
  • Posts: 26
Re: Urdu Shaa,iree
« Reply #16 on: August 12, 2013, 03:43:09 PM »
salaam bhai.....

abhi upar aapka reply padha ... kuch confusion mujhe bhi ho gaya

jaise aapne kaha ke bina radeef ki gazal hai ye

(2) baGhair radeef kee Ghazal : Ghalib ko dekh leejiye

maiN gul-e-naGhma hooN nah pardah-e-saaz
Khud hooN apnee shikast kee aawaaz

too aur aaraa,ish-e-Kham-e-kaakul
maiN aur andesha-haa-e-doordaraaz

too ne poochhaa to mehrbaanee kee
maiN Ghareeb aur too Ghareeb-nawaaz

isme aakhir ke shabd as qaafiya use hue hain lekin ye aaz ko as radeef bhi to samjh sakte hain kya????

may b bahot silly Q ho lekin ... bahot se exceptions hote hain isliye puchha...
azeezah Aahanaa: aadaab !

qaafiya hameshaa baa-manee (=manee waalaa) hotaa hai jab keh radeef kaa baa-manee honaa zarooree naheeN hai. agar aap :aaz: kp radeef kaheN gee to baaqee bache huwe TukRe (s, aaw, doorda) ko qaafiya kehnaa ho gaa aur yeh sab be-manee haiN. saath saath yeh :rhyme: bhee naheeN kare jaisaa keh qaafiye ke liye zarooree hai. so aap kaa Khayaal durust naheeN hai. is Ghazal meN radeef naheeN hai aur miSroN ke aaKhiree lafz qaafiye haiN.

aap yeh nah samjhaa kareN keh aap kaa koyee sawaal Ghalat hai. sawaal koyee bhee Ghalat naheeN hotaa. pooch kar durust kar lenaa aql-mandee kee nishaanee hai!  :)

Sarwar A. Raz

aqsh

  • Newbie
  • *
  • Posts: 41
Re: Urdu Shaa,iree
« Reply #17 on: September 01, 2013, 01:28:09 PM »
Sarwar ji allah aapko jald se jald shifa ata kare aameen... aur bahut bahut shukriya aapka....bahut si baatein samajh mein aayi... jazak allah..