Author Topic: Ghazal kee sharteN  (Read 215 times)

0 Members and 1 Guest are viewing this topic.

Sarwar A. Raz

  • Moderator
  • *****
  • Posts: 26
Ghazal kee sharteN
« on: June 27, 2013, 02:37:48 AM »
Dosto: namaste aur aadaab!

mujh ko is baat kee bohat Khushee hai keh Vikas ne yeh "site" banaayaa hai aur yahaaN sab dost mil kar achhee achhee baateN karte haiN. aap logoN kee zabaan Urdu naheeN hai lekin bohat se logoN ko Ghazal kehne kaa shauq hai. maiN Khud bhee Ghazal kaa shaa,ir hooN aur meraa apnaa site www.bazm.urduanjuman.com hai jahaaN kaafee kaam ho rahaa hai. yahaaN aa kar aap logoN kee GhazleN dekheeN to jee chaahaa keh do-ek baateN bhee kar looN.

har cheez kee tarah shaa,iree bhee ek fun (art) hai jis ke kuchh uSool aur qaa,ide haiN. achhee aur :technically: Theek Ghazal kehne ke liYe in usooloN kaa paalan karnaa zarooree hai warnah jo aap likheN ge woh kuchh aur to ho saktaa hai lekin Ghazal naheeN ho saktee. yahaaN jo GhazleN dostoN ne lagaayee haiN un meN bohat achhe Khayaal aur bhaawanaa ko adaa kiyaa gayaa hai lekin woh Ghazal kee sharteN pooree naheeN kartee haiN. yeh ho saktaa hai keh beshtar logoN ko in shartoN kaa gyaan naheeN hai. yeh bhee ho saktaa hai keh kuchh dost in usooloN ke chakkar meN naheeN paRnaa chaahate haiN. so mujh ko kisee se koyee jhagRaa yaa beHs naheeN karnaa. Sirf itnaa kehnaa kaafee hai keh jo log Ghazal Theek taraH se kehnaa chaaheN un ko is kee sharteN aur usool seekhnaa chaahiyeN.

maiN duaa kartaa hooN keh aap log haNsee Khushee raheN aur apnee koshishoN meN saphal raheN.

Sarwar A. Raz "Sarwar"

Rashmi

  • Global Moderator
  • ***
  • Posts: 1893
  • Gender: Female
  • Hum se khafa zamaana to Hum bhi jamaane se khafa
Re: Ghazal kee sharteN
« Reply #1 on: June 27, 2013, 03:44:29 AM »
aadrniya sarwar-e-raz sahib
                                   bahut achha laga aap yahaN aaye or apne achhe vichaar humaare saath share kiye.hum mein se bahut saare honge jinko abhi bahut kuchh sikhana hai. khaas kar main aapne baare kah sakti hoon ki abhi manjil bahut door hai  bahut kuchhh sikhana baaki hai ya youn bhi kah sakti hoon ki abhi to ghutno ke bal chalna bhi siikhana hai shayri ki duniya mein.or agar humein aap jaise mahanubhav, margdarshak milenge to humaari khushnasibi hogi isliye aap se darkhuwast karungi ki aap humein in niyam kaydoN ke baare mein detail mein bataaiye apne precious time mein se kuchh huamare  liye nikaal ke ummid hai aap nirash nahi karoge duaaoN ke saath izazat chahti hoon .........aate rahiye
Rashmi Sharma

gooDe akkhar ,fatti sukki
adiyo meri gaachi mukki
sukke hanjhu akkhaN waale
haaDa! akkhar mooloN kaale

Sarwar A. Raz

  • Moderator
  • *****
  • Posts: 26
Re: Ghazal kee sharteN
« Reply #2 on: June 28, 2013, 02:34:34 AM »
aadrniya sarwar-e-raz sahib
                                   bahut achha laga aap yahaN aaye or apne achhe vichaar humaare saath share kiye.hum mein se bahut saare honge jinko abhi bahut kuchh sikhana hai. khaas kar main aapne baare kah sakti hoon ki abhi manjil bahut door hai  bahut kuchhh sikhana baaki hai ya youn bhi kah sakti hoon ki abhi to ghutno ke bal chalna bhi siikhana hai shayri ki duniya mein.or agar humein aap jaise mahanubhav, margdarshak milenge to humaari khushnasibi hogi isliye aap se darkhuwast karungi ki aap humein in niyam kaydoN ke baare mein detail mein bataaiye apne precious time mein se kuchh huamare  liye nikaal ke ummid hai aap nirash nahi karoge duaaoN ke saath izazat chahti hoon .........aate rahiye
Rashmi jee: namaste aur aadaab!

aap kaa Khat dekh kar Khushee huyee. mujh ko aap logoN kee sewaa kar ke aur bhee Khushee ho gee. yeh kaam baRaa hai aur waqt aur meHnat donoN chaahataa hai, so is meN jaldee naheeN kee jaa saktee. waise bhee har cheez ko Theek se seekhne meN mushkileN aur waqt donoN kaa saamnaa karnaa hotaa hai. agle ek do haftoN ke andar maiN aasaan zabaan meN ek mazmoon (article) Urdu Shaa,iree par likh kar yahaaN lagaane kaa iraadah rakhtaa hooN. mujh ko wishwaas hai keh jo log shaa,iree karnaa chaahate haiN un ko is se bohat faa,idah ho gaa.

:article: lagaane se pehle do chaar baateN kehnee zarooree haiN:

(1) maiN yahaaN Urdu kaa prachaar karne naheeN aayaa hooN. chooN keh aap log Urdu shaa,iree karnaa chaahate haiN is liYe mere liYe Urdu kee baateN karnaa zarooree ho gaa.

(2) maiN koshish karooN gaa keh apne lekh aasaan rakhooN. ummeed yeh hai keh jab yeh kaam pooraa ho jaaYe gaa to ek kitaab tai,yyaar ho chukee ho gee jo shaayad :publish: bhee ho sake gee.

(3) lekhoN kaa yeh silsilah kaafee lambaa ho gaa aur kaafee dinoN tak chale gaa. jab ek lekh pooraa ho jaaye gaa to aap us waqt us par sawaal kar sakeN ge. lekh pooraa hone se pehle sawaal nah kareN warnah baat ulajh saktee hai.

(4) aap jahaaN chaaheN in lekhoN ko (mere naam se!) lagaa sakte haiN aur jis ko chaaheN de sakte haiN. aap kaa aisaa karnaa gyaan phailaane ke baraabar hai jo bohat achhaa kaam hai.

(5) agar aap log thoRee see Urdu seekh leN to sab kaa kaam aasaan ho jaaye gaa. aaj kal English kee madad se Urdu seekhnaa bohat aasaan hai. maiN aisee kitaaboN kaa pataa bataa saktaa hooN.

(6) maiN apne lekhoN meN jahaaN tahaaN Urdu kaa istamaal karooN gaa kyoN keh meree Hindi itnee achhee naheeN hai. koshish karooN gaa keh mushkil Urdu shabdoN ke manee likh dooN. aap Khud bhee poochh sakte haiN.

ab ijaazat deejiye. phir mileN ge!

Sarwar A. Raz "Sarwar"

Rashmi

  • Global Moderator
  • ***
  • Posts: 1893
  • Gender: Female
  • Hum se khafa zamaana to Hum bhi jamaane se khafa
Re: Ghazal kee sharteN
« Reply #3 on: June 28, 2013, 05:07:31 AM »
respeted Sarwar-e-Raz sahib
                              sadar naman ji
aap ne humara anurodh sawikar kiya hum tah-e-dil se aapke shukarguzar hain. humein vehad  khushi hogi jo aapke giyaan duwara kuchh sikhane ka mauka paa sakeiN .hum aapke veecharon ki kadar karte hain. humara manana  hai ke koi bhi bhasha seekhana apne gyaan ko or badaana hai khas kar urdu jo ke ek bahut hi suljhi hui ,meethi or tahzeev ki jubaan hai . hum sobhagya shaali honge agar aap duwara diye gaye links se hum ye juwan seekh paayein  .   .....or is cheez ka behtar dhiyaan rakha jaayega ke aap ka lekh poora hone se pahle koi prashan na poocha jaaye............. aapke lekh ka intzaar rahega.........
                                                          duaaon ke saath izaazat chahungi ....:)

                                                                                         ......shukriya ji......aate rahiye........







Rashmi Sharma

gooDe akkhar ,fatti sukki
adiyo meri gaachi mukki
sukke hanjhu akkhaN waale
haaDa! akkhar mooloN kaale

AahnaA

  • Guest
Re: Ghazal kee sharteN
« Reply #4 on: July 17, 2013, 10:40:39 AM »
sarwar  bhai

salaam

 bahot darte darte maine ye thread open kiya tha k pata nahin yahan kitni sharten hongi jo manni padegi... lekin yahan aapka pyar aur samjhane ka tarika dekh ab kaafi hudd tak ye dar dur ho gaya hai.. aur ek bar aur ye soch aai hai k haan main bhi try kar sakti hun.....

bahot bahot shukriya hum sab ke liye itni mehnat kar rahe hain aap... umeed hai hum aapko niraash nahi karenge...

aahnaa